هديتى

لما اقرب من عيونك . . . بانسى فيهم دنيتى

بانسى كل حياتى قبلك . . . وافتكر حنيتى

عمرى ماتمنيت حياتى . . . م اللى شوفته فى وحدتى

ياللى باهديلك حياتى . . . انت اول فرحتى

مستحيلة الدنيا قبلك . . . ياما تاهت خطوتى

مين يصدق انى اقابلك . . . واقدر اختار سكتى

كل ليله كنت باهرب . . . من نصيبى وقسمتى

كنت بسأل مين ح يقدر. . . يوم يرجع ضحكتى

علمونى عنيك اسامح . . . وانسى بيهم دمعتى

وإن مهما تدوب ملامح . . . مش ح تدبل وردتى

ياللى اهديتنى حياتى . . . وإكتفيت بمحبتى

نفسى اوهبلك حياتى . . . وتبقا هى هديتى