فنان
للشعر الغنائى
|
آه باغنى
آه باغنى . . لما الآقى فى الغنا روحى و راحتى آه باغنى . . لما يعجز يوم كلامى عن صراحتى لما اقول للظلم لا للجرح لا لما اهوّن ع القلوب ماتقولش آه واما احساسى انجرح فيا و أَلَمنى سيبته عايش بين غنايا بيحكى عنى
آه باغنى
آه بلاقى فى الغنا معنى الحياه لما الآقى الكون سكاته خلاص ملاه واللى حب فى يوم غنايا وقاله عنى كان ودايما هو اقرب ليا منى
آه باغنى
اه باغنى ساعات فرح وسنين جراح ما الطيور لو تنجرح ترقص نواح واسألونى قد ايه اتخللوا عنّى ولا مين غير الغنا سمّا و حضنّى
آه باغنى
|
fannan.itgo.com 2006